憑《羋月傳》「義渠王」一角走紅嘅大陸已婚男星高雲翔，今日被指與一名Wang Jing（音譯王晶）嘅男子，涉嫌於悉尼一酒店性侵一名36歲女子被捕。

高雲翔嘅工作室剛於微博發出聲明，表示目前澳洲警方正在核實情況，呼籲大家唔好揣測：「近日，高雲翔在澳洲工作期間接到合作方某負責人相關指控，網上隨即出現諸多與之有關的不實消息。目前澳洲警方已介入核實情況，請大家在警方給出結論前不要擅加揣測。」聲明中亦有為事件引起嘅困擾與擔心致歉，並強調尊重事實和法律。

而高雲翔嘅太太董璇亦有轉發聲明，力撐老公話：「抱歉讓大家擔心了，我相信他。」其實喺太太眼中，高雲翔絕對係一個愛家好男人，董璇間中都會喺微博貼家庭照，有時高雲翔更會着住背心，爆晒肌咁親自落廚，Man到爆！

35歲嘅高雲翔向來係好好先生，與同為大陸演員嘅董璇由相識到結婚足足8年，前年誕下女兒。高雲翔曾在小S(徐熙娣)主持嘅大陸綜藝節目《姐姐好餓》上，稱自己唔飲酒，唔食煙，更加唔會嫖。當時小S在節目上叫高雲翔喝一杯，高雲翔表示自己平時都不喝酒，也不吸煙。小S即問不嫖？高雲翔說﹕「對」。不賭博？高雲翔也表示不賭。

精選娛聞，喺晒《娛果》
http://fb.com/appledailyent