之不過,打工仔有乜辦法唔準時返工喎,博炒乎?傅會長提供嘅方法係:「自行在年初二早上九時半後至十一時前返辦事處用水抹枱,或寫字、開電腦,以示開工。即使不能年初二早返回公司,也在家動筆、開電腦,寫吓一年大計,以示開工。」
左丁山有得揀,自由度大啲,就係聽傅會長講,正月年初五上午九時半至十時許開工,各位年初四唔好搵我談公事!中國人民放好多日假,正月初八返工,是日為吉日,中國人是幸福的,羊年運勢大好!香港在春季(二月四日後)會出現小陽春,端午節後(陽曆六月四日),又要擔心,始終要等猴年(二○○四)二月四日後才會轉旺。