大台劇集《同盟》聽晚會播映大結局，雖然有唔少網民鬧個劇集「堅離地」，好似噚晚嗰集本來話歐瑞偉同陳山聰佢哋諗住叫打針叫鮑起靜(鮑姐)扮死，諗住呃Rainman入局，歐瑞偉俾咗兩支解藥陳展鵬同胡定欣，買定保險去救鮑姐，點知當陳展鵬去到殮房，俾Rainman揭發佢其實係講大話，仲話胡定欣因為塞車去唔到救人，結果展鵬睇住阿媽眼白白死咗。

點知佢返到大宅，胡定欣好似若無其事，睇住陳山聰打陳展鵬，去到尾又保護男友！唔少網民都覺得好匪夷所思，但係o依然好有興趣喺度估，究竟邊個係第二個Rainman，其實睇噚晚嘅故事發展，第二個Rainman就係陳展鵬，今晚嗰集會講佢同陳山聰喺天台決鬥，其實最初可以話係局中局，因為Rainman全程監視令家嘅人啲一舉一動，為咗得到Rainman嘅信任，所以出此下策，不過因為個個都為咗自己嘅利益而不擇手段，結果搞到展鵬變奸，真係未到最後一刻，都唔知會死幾人！

不過一直俾人以為係終極big boss嘅歐瑞偉，其實今次佢只係鮑姐嘅保鑣，喺聽晚大結局嗰集，為咗救鮑姐，死喺Rainman派出嘅殺手手上，喺預告片見到鮑姐個樣好哀傷，唔少網民睇完留言希望佢唔好死！不過亦因為呢條預告片，意外咁話咗俾觀眾知道，鮑姐嘅死係煙幕！

歐瑞偉接受傳媒訪問時就話：「又或者有轉機呢？呢啲留番俾大家睇喇，其實唔止我，大家都好唔捨得呢套劇！」