現年39歲嘅韓劇《OH！必勝奉順英》女星秋瓷炫，去年初嫁37歲大陸男星于曉光，兩人於本月1日榮升父母，秋瓷炫喺韓國誕B仔，當時秋瓷炫及于曉光更輪流喺網上公開BB腳仔嘅照片。

秋瓷炫所屬嘅BH娛樂4日時突然發聲明表示，秋瓷炫於產後當晚出現癲癇症狀，當時已立即被送到急症室，又指秋瓷炫目前情況穩定，喺老公陪同下休養、恢復中。

不過今日就有韓媒報道，指秋瓷炫被送到急症室後一直昏迷至今，現時仍於ICU中，未恢復意識。

報道公開後，秋瓷炫所屬事務所立即發聲明澄清，指秋瓷炫未恢復意識係誤報，透露秋瓷炫已轉去普通病房休養中，可以跟人溝通，並唔係嚴重嘅情況，幾日後會公佈檢查結果。

更多韓流，喺晒《娛果》
http://fb.com/appledailyent