韓劇《咖啡王子》34歲女星尹恩惠曾經一度陷入抄衫醜聞，令佢形象跌至谷底，早前佢回歸公仔箱拍劇，夥拍男星千正明出演MBN新劇《心動警報》，雖然事隔5年再拍劇，但尹恩惠表現就一直受到批評，除了被指變臉外，又被批冇演技。

《心動警報》現時播出第10集，大後日將播出第11集，現時尹恩惠日日趕拍中，今日佢仲分別喺Instagram同埋微博上載多張準備滑浪嘅新相，又留言：「心動警報 衝浪 韓國泰安，第一次挑戰衝浪♥️。」只見尹恩惠着上貼身滑水戰衣，大騷佢弗爆身材。雖然佢第一次玩滑浪，但見佢有板有眼，似乎滑得相當成功，不過現時韓國天氣十分寒冷，僅得幾度氣溫，尹恩惠咁凍都要落水，真係幾辛苦。

精選韓流，喺晒《娛果》
http://fb.com/appledailyent