【前夫已經再婚】活動上經常摸肚 肚凸凸趙頌茹唔通有喜?
生日趙頌茹中秋節有喜
趙頌茹(Yu)今日喺觀塘apm出席中秋節活動,着住紅色連身裙嘅呀Yu經常摸住個肚,表現唔太自然,阿Yu笑話:「呢排成日同個女一齊食零食,加上條裙嘅cutting,望到自己好腫呀,要減肥,下次會着得貼身啲,大家唔好誤會。」
每年嘅中秋節正日就係大女嘅農曆生日,嚟緊大女已經8歲,阿Yu話:「都係咁,冇病冇痛已經好開心,同往年一樣,都係同屋企人過,放學就帶佢哋返爸爸媽媽屋企,一家人過,我會同爸爸飲酒傾偈,已經好warm。大女都有要求㗎話要去買玩具,一年一份,兩個女都唔係好大要求,因為佢哋都唔係好多時間玩,但係反而有叫我買冰皮月餅,佢哋著重傳統節日,細女就遲3日生日,但佢就要求分開慶祝。」
提到颶風山竹襲港,阿Yu就話怕怕,幸好樓下鄰居提醒仲幫佢買埋膠紙黐玻璃,佢話:「真係好驚會吹爆玻璃,細女仲唔知危險,打開窗,我同佢講咁做好危險,佢冇呢方面嘅知識,好彩唔使從錯誤中學習。」
精選娛聞,喺晒《娛果》
http://fb.com/appledailyent
阿Yu着住紅色連身裙嘅呀Yu經常摸住個肚,表現唔太自然。