春天己土,據命書話:「因臘月未除,餘寒未退,故丙為尊,得丙照暖,萬物自生。」睇番立春八字,欠丙火,幸好寅月內藏丙火,己土不致太凍,可惜八字內有乙無甲,乙乃柔木,不能疏土,雖多無益,且乙多者,主奸詐。咦,咁講法,隻雞可能係奸雞噃,大家小心乙酉年之內,奸詐欺騙之事迭出,師奶慎防祈福黨橫行無忌,股民慎防大鱷整蠱做怪,啲虛無概念股不宜沾手,做生意要講清楚合約,口講無憑也。
純睇八字,甲申年立春癸丑日嘅八字幾好,隻猴子身強體壯,相形之下,乙酉年隻雞土頭土腦,恐怕有啲奸性。如此看來,○五年實質上唔會好得過○四年噃。
上面講乙多者,主奸詐,需要解釋,免生誤會。春天己土,需要丙火(太陽之火)照暖,亦要陽木(甲木)疏之(沿用玉不琢,不成器之理)。乙乃陰柔之木(花草之類,非大樹之木),生於土上,其實不能疏土,但表面上就似係,容易呃倒人。八字嘅解釋,極多變化,個個case唔同,千祈唔好以偏概全。