炯炯有神的雙目加上一頭硬朗短髮，陳淑莊（Tanya）的「惡女」形象也許是這樣建立出來。「身邊啲人成日話我惡，唔笑就話我惡。」到街站探訪，拿着咪的Tanya每每提到「特首冇得揀」及「電視遙控都冇得揀」時總是青筋暴現；然而遇上被爸爸拖着上前打招呼的小粉絲，她卻能一秒變臉，收起勞氣，親切地向小女孩問好；有憤怒阿叔上前挑機，指着鼻子問：「我可唔可以出嚟選特首？」Tanya不卑不亢：「梗係得啦。」她事後解釋：「我哋唔惡得㗎，對方好惡咁對住你，你反而對佢笑，失禮嘅係佢。不過又唔可以笑得太燦爛喎，咁樣可能會令佢更嬲。」原來喜怒都要有分寸，這種收放自如不禁令人覺得，政客的「惡」也許只是一種表演。「立會元秋」蔣麗芸和「淨心BB」陳淨心的惡各有千秋，然而背後也許各懷目的，因此不能單憑表面行為斷定誰是惡女。「有時惡都係一種掩飾，即係可能我緊張，我好驚，我好不知所措，突然間我咪發爛渣囉，惡咗先，惡人先告狀，輸人唔輸陣嘛！」不過Tanya認為最恐怖的「惡」乃是心腸惡毒，日久才能見人心。

Tanya平日聲大大鬧政府，別人眼中是惡女，她卻認為自己只是據理力爭，正如發哥有云：「我大聲唔代表我無禮貌」，不過她也有憤怒時：「我見到一啲好火滾同無道理嘅事，我都會惡。」今年六四，學民思潮攤位被警察驅趕，她擠身人群中，手持兩支咪，霸氣十足向警察爆出一句「你𠵱家係咪撩交打先」。 「嗰次真係火都嚟，我至憎人大蝦細，我哋擺咗咁耐唔郁我哋，但就去搞學民仔，呢啲唔係大蝦細係乜呀？」事件最後通過磋商解決，Tanya自問當時也太衝動。「惡作為一個短期手段係可以，但未必可以達到目的，你需要捉到個時間，要拿捏得好。」與其靠惡，Tanya更欣賞使用「軟實力」的烈女：「有力量唔一定要惡，惡唔一定Powerful。其實男女都有一個可以發掘嘅地方，就係Soft Power。」她表示昂山素姬、馬拉拉及瑪莉蓮夢露都是典型代表，「昂山素姬相信自己嘅方法同原則，不屈不撓咁去挑戰一個政權，改變緊一個國家嘅歷史，改變緊人民嘅前途，改變緊一個制度，感染力真係好強。」覺得自己也是烈女嗎？「同係唔係惡女一樣，烈唔烈女就留畀大家評論喇。」

場地提供：superrstudio

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange