好多戰友今日應該都寫佢，廿幾歲以上嘅波迷，冇可能對佢冇感覺。知佢憎人賭波，呢段稿除咗心水框外，不談貼士，只抒發情懷。
藍鑽石廿幾年前讀小學，最憎禮拜六長周，因為放學後總要跑到一身臭汗，趕返屋企睇佢主持西德波精華節目，等聽佢講拜仁馬他斯（馬圖斯）、歐真他拿（歐真泰拿）；聽佢嘅收音機節目，最記得聽眾總係追問佢喺邊度寫稿，然後就聽到佢公式答案：「你唔好收線，一陣有同事答你。」後來到佢過「一哥台」、被影到煲煙、拍埋電影，甚至連「巴士阿叔」都因佢命名……，佢絕對係我哋過去幾十年睇波、聽波嘅集體回憶。阿叔，一路好走！

主客和：拜仁慕尼黑勝
心得：懷念以前拜仁，懷念佢
近5場往績：LLWWW

藍鑽石
與簡拿華路同日出生嘅囡囡入學，今季大把時間睇波，尤其係意甲。