汪明荃（阿姐）、馬德鐘、黃浩然和李詩韻昨日在將軍澳宣傳無綫劇集《東山飄雨西關晴》，心情極佳的阿姐更帶着在「2008中美電影節」中奪得的金天使獎出席，馬德鐘和黃浩然送上鮮花和吻賀她。

約高層食飯

《東》劇收視下跌，阿姐份外落力宣傳，她見劇中女演員李彩寧的長髮遮掩其性感打扮，遂替她撥開頭髮，後來阿姐更率領一眾演員向酒樓食客大派點心，其間獲小妹妹送上飛吻，逗得阿姐笑逐顏開。
對於有藝人為爭獎而約高層飯局，阿姐說：「未必係為攞獎，其實約高層食飯都係聯誼，係工作上嘅需要，我一年都會同佢哋食一兩次飯。」問她睇好誰攞獎？阿姐說：「梗係我自己啦，我覺得林峯同夏雨都好好，我兩個都鍾意。」
有報道指阿姐在家色誘羅家英，她笑說：「我冇睇過喎，唔知內容講乜，只係聽人哋講過，但我都冇諗過會用呢啲字眼。返到屋企唔通成日拉埋窗簾咩，如果我換衫嘅話梗係喺洗手間，點會喺大廳呀？」
採訪、攝影：何慧斯