【可以紋多廿幾個】痛到爭啲休克 張繼聰留位紋囡囡名上身

蘋果日報 2017/09/01 20:51

張繼聰周國賢開學
    張繼聰同麥明詩今日喺西環出席新錶鑑賞會，周國賢自彈自唱表演。
    作為一子一女之父嘅張繼聰，今日都感受到開學嘅影響，佢話：「囝囝開咗學好耐，因為佢讀國際學校，6月放暑假8月中就返學。不過都感受到開學嘅威力，因為度度都塞車，去親邊度都塞。」佢透露囝囝已經6年班，明年將升讀中一，又可以送佢返學。張繼聰笑言過多兩年後，囝囝應該唔想佢再送返學，佢話：「仲好享受接放學之後同佢去買嘢食嘅感覺，同老婆都好記得當年送囝囝返學，記錯返學時間。」
    至於囡囡張靖（Karina）仍未到入學年齡，廿四孝老竇為免厚此薄彼，稍後會將囡囡名字紋上身，張繼聰話：「其實預咗位畀個女，不過近排拍緊戲，要連戲所以唔紋得住。同埋等我過咗紋身嘅痛苦先，上次痛到爭啲休克。」佢笑言囡囡英文名太長，為減少痛楚，可能只紋中文名，至於係咪仲要留位置紋多幾個名？佢笑話：「即係話追多個？其實成身都紋得，生20幾30個都得嘅。」
    想隨時獲得更多親子資訊，快啲like Easy PaMa Facebook啦！
    https://goo.gl/1qWM8g
    empty
    張繼聰準備紋囡囡個名上身，要全家齊齊整整。(攝影：陳順禎)
    empty
    張繼聰話感受到開學威力，因為好多地方都塞車。
    empty
    周國賢(左起)、麥明詩同張繼聰一齊出席手錶活動。
    empty
    empty