薛凱琪(Fiona)今日喺商台宣傳新歌,佢話呢首歌有講以前所有唔愉快經歷,唔成功愛情,呢啲係必經之路,之後佢又分享以前嘅愛情經歷,佢話以前有一個(指男友),自己只識遷就,但冇左自己,有一個關係差唔多壞死,但自己又會hold住唔放,近呢半年,佢越嚟越搵到自己。
問佢希望未來伴侶係點,佢話希望搵到一個係真正鍾意佢自己嘅人,唔只係吃喝玩樂,當佢有困境時,會諒解佢嘅人。問佢有冇呢個人出現?Fiona話過去呢3個月都飄泊台灣,北京拍戲,男主角一係已婚,一係有女友。佢又話未試過,亦未諗過同舊男友復合,雖然自己唔抗拒,但依家已經大個女,思維同以前都唔同。
Fiona話之前拍新歌MV拍咗20個鐘,因為要將唔同顏色嘅油淋落個身度,去沖涼時都要兩個女助手幫手,咁咪要全裸?佢話:「梗係啦,女仔啫,女助手幫我擦背時,好似當豬肉咁擦,不過見到每次MV都有好評,我都冇後悔嘅。」