【新增動新聞】
英法傳媒聯手報道，今次唔係險簽啦啩？據英國《天空體育》同法國《隊報》等報道，阿仙奴已經同里昂展開談判，商討收購26歲法國前鋒拿卡錫迪，據報轉會費隨時高達4,400萬鎊（約4.4億港元）！

拿卡錫迪過去一季為里昂上陣45場射入37球，成為轉會市場搶手貨，早前有指佢同馬德里體育會情投意合，甚至達成口頭加盟協議，但馬體會其後上訴失敗被禁今夏買人，令其他球隊有機可乘。雖然消息指槍手去年出價2,900萬鎊被拒，球員本身亦有意加盟歐聯球隊，但阿仙奴對呢單交易志在必得。連同盛傳心儀摩納哥「新亨利」基利安麥巴比，睇嚟領隊雲格對法國前鋒情有獨鍾喎。