周柏豪早前同「狂舞派」顏卓靈（Cherry）首次合作拍廣告，成為一個服飾品牌代言人，大家第一次合作，柏豪竟然覺得頭痛，佢笑言：「今次最大嘅挑戰就係面對Cherry呢位對手，我同佢年紀啱啱好相差九年，睇完啲相，個心有啲不是味兒，覺得我好似佢嘅舅父！」Cherry聽完哈哈大笑話：「講起嚟我哋今日都好似拍家庭相，你有種老爺嘅氣勢！」

其實二人互窒純粹為搞氣氛，事實上柏豪對新加入嘅Cherry照顧有加，幫佢熟習拍攝環境，盡顯前輩風度。