90年代中期，港片不景氣，洪金寶赴美發展找機會，拍當地電視劇《過江龍》（Martial Law），效法李小龍闖荷李活，他說︰「曾經諗過喺美國發展，但好難，因為佢哋只係識寫美國土生土長嘅中國人，要佢哋寫一個香港或中國人去美國嘅故事，佢哋唔識。之後我又考慮到自己英文唔得，留低都冇用，就回流返港。」

不打不相識

洪金寶的電影，最想保留中國人的思想及感情︰「拍咗咁多年都係想保留祖國文化、血統，希望拍中國人故事，李小龍都係㗎，佢都係用番自己嘅character（個性）喺國際上揚名。」

談到李小龍，兩人是不打不相識。70年代，洪金寶拍電影期間，李小龍到場探班，他上前打招呼，卻遭李小龍誤會他出言挑釁，兩人即場「比試」，不過洪金寶的腳都未抬腰，李小龍的腿已經在他面前。洪金寶笑說︰「我哋唔係對打，係誤會，不過後來做咗好朋友，不打不相識，我哋拍戲佢日日嚟探班，大家好好傾，我會觀摩佢武術、電影，無可否認佢影響到好多中國人，增強我哋民族意識。我就偏向拍小人物，拍出嚟開心，引到觀眾笑。」