雖然各國足球聯賽都已經重開返一段日子，不過因為武肺 疫情 要有社交距離嘅關係，球場入面都盡量減少職員人數，連執波仔呀嗰啲都冇。而喺禮拜五葡超唐迪拉主場對波圖場比賽，就出現咗搞笑嘅一幕，事源球證就發現支角球旗唔見咗，咁主場工作人員就老遠跑去搵下支角球旗去咗邊啦，不過當佢想好型咁跨過廣告牌去執叔支旗嗰陣，一個唔小心就仆親，最慘係電視台仲要慢鏡重播佢仆親嘅「英姿」㖭！果然係睇人仆親最開心，真係多謝晒喎！