十優港姐兼劍橋大學法律系畢業嘅麥明詩，曾喺facebook「抽水」留言：「陳美齡有幾個仔入史丹福？咁不如唔爭在叫麥明詩阿媽嚟做……」搞到網民又將陳美齡同麥媽媽比較。(新聞連結: http://bit.ly/2oW13Ct )

已表明拒絕出任教育局局長的陳美齡，今日到中環出席其新書分享會，講到自從傳佢獲邀做教育局局長，有網民抽水做咗個藝人做局長嘅圖表出嚟，陳美齡笑言睇咗：「係朋友俾我睇嘅，大家好似好好玩。」問到佢勝任喺邊個職位？陳美齡話：「係媽媽隊長！」

問到10優港姐麥明詩都有抽水，更直指「其實我阿媽真OK㗎，後一屆諗諗佢啦！佢雖然冇PhD，不過都有個外國大學嘅Master of Education，同埋有一本賣得唔太差嘅著作。仔女都係讀政府津貼中學（我哋讀嗰陣未轉直資），個仔考香港AL入中大，個女考完會考之後去咗英國考高考，可以話係同時熟悉本地同埋外地嘅教育和考試制度，又識得鼓勵子女多元發展。」云云，不少網民留言稱「神抽」。

對此陳美齡稱：「大家都好多意見，大家對教育好有興趣，係正面嘅反應。就算講笑都好，教育制度唔係講得笑，人哋邀請我做任何職位，都唔係講笑，係有經過好多考慮同想法，先有咁嘅行動，當然可以搞笑，但對學生教育制度就唔係咁，抽水係冇所謂，大家笑吓！」

相關新聞:
【林鄭組班】陳美齡：我不會做教育局長 批局長職責非管人應服侍人
http://bit.ly/2pjBoHU

【林鄭組班】唔做局長做副局或顧問？陳美齡：咁早我諗唔到
http://bit.ly/2r1gbQd

【離地親建制】陳美齡思緒混亂 籲勿讓中央插手港事 又驚得罪北京
http://bit.ly/2paUb6N

【咁啱又係媽媽】邊個似局長？麥明詩sell阿媽 陳美齡「現身」又係陪阿媽
http://bit.ly/2pjkN7o

【繼續硬sell麥太】十優麥明詩薦阿媽做焗腸 麥太話：咪發夢諗住唔洗畀家用
http://bit.ly/2oVK0QZ