當年今日
關於我們

【韓流】李東健今日與大肚趙胤熙行禮 金基石貼心扶韓藝瑟上台

蘋果日報 2017/09/29 15:00

韓藝瑟李東健20世紀少男少女

【新增內容及圖片】
由韓藝瑟、金基石主演嘅MBC新劇《20世紀少男少女》早前曾來港取景,劇集原定本月25號首播,不過就疑受MBC員工罷工影響,延期至下月9號先首播,不過韓藝瑟、金基石等主演今日就現身劇集發佈會。
韓藝瑟身穿深紫色連身短裙出席發佈會,大晒美腿,不過因為條裙太短,為免上樓梯時走光,韓藝瑟用毛毯包住對腳,上到台影相先放低毛毯,而喺劇中與韓藝瑟青梅竹馬長大嘅金基石,就相當貼心地扶住韓藝瑟上台。
提到劇集受MBC罷工影響而延播,金基石僅表示希望事件可以完滿結束,而金基石喺劇中飾韓藝瑟嘅初戀,佢就表示想成為男版「國民初戀」,相當搞鬼。至於今年6月做人夫嘅李尚禹,喺發佈會上大方提到演員老婆金素妍,表示有請老婆幫忙對劇本。
而韓藝瑟亦表示:「同以往拍攝嘅愛情小品不同,《20世紀少男少女》較平談及真實性,而且唔止愛情,亦包括友情,係會引起觀眾共鳴嘅作品。」另一女星柳賢慶今次為劇集犧牲纖瘦身材,事關要增肥拍攝:「我每日食一個pizza去增肥,仲搞到消化不良要入醫院,最終肥咗33磅,不過因為塊面唔長肉,所以唔明顯。」
另外,金光石喺現場就話因為劇集延期播放,所以令佢可以參加好友兼《巴黎戀人》男星李東健同女星趙胤熙嘅婚禮,現時懷孕嘅趙胤熙今日同李東健喺首爾鐘路區三成洞附近舉行秘密婚禮,不過因趙胤熙現時懷孕,所以二人不會度蜜月。
empty
李東健同趙胤熙今日行禮,婚禮攝影師喺Ig公開照片
empty
金基石扶拍檔韓藝瑟上台
empty
大派心心
empty
韓藝瑟今日晒腿現身發佈會
empty
(左起)李尚熙、金基石、韓藝瑟、柳賢慶於劇中飾演一起長大嘅好友