【元朗恐襲】7.21令港女覺醒 OL籲港人加入工會準備三罷
蘋果日報 2019/12/29 20:20
三罷7.21元朗恐襲香港人抗爭的日與夜
約4,000人冒雨在中環出席「香港人抗爭的日與夜」集會，毋忘「殤痛」，誓爭五大訴求，當中不乏OL到場。兩名受訪的文職港女坦言，元朗7.21恐襲令她們覺醒，呼籲港人加入工會，準備三罷，除保持憤怒，亦要保持理性。
任文職的陳小姐說，每次集會遊行都會盡量抽空出席，「個個都喺度努力緊，唔可以因為自己一時想唞吓就放棄。」她說自2014年傘運開始留意時事，過去半年參與抗爭更頻密，對7.21、8.31等事至今記憶猶新，「睇直播睇到喊」。她續斥，警方使用武力和濫權程度已十分過份，曾親眼目睹有與示威者對峙的防暴警員，對途經的情侶「狂噴」胡椒噴霧，「真係好無奈、好嬲」，批評警隊高層仍「掩住良心講嘢」，「PPRB啲回應都係多餘、廢話。好多新聞都報晒出嚟，咁都唔認仲話自己好克制，你咁都講得出？」
陳小姐續稱，政府不但漠視警暴問題嚴重，還遲遲拒絕回應訴求，令她無法接受，「拖咗咁耐唔回應，仲同我講話成立獨立檢討委員會，你唔好話檢討，而家調查（委員會）我都唔接受，重組警隊係一定要，上樑不正下樑歪，而家（警察）同黑社會真係無分別。」
憶7.21即落淚 「望住身邊嘅人俾人打」
同樣任文職的藍小姐（化名）是7.21事件的目擊者，提起當日元朗站白衣人無差別狂毆市民，仍不禁落淚。她說，當晚由中環坐港鐵回家，早在中環時已收到元朗站打人的消息，「去到元朗仲未有警察，真係好憤怒。事後睇到片，原來有兩個警察轉身走，唔明佢哋點解可以咁做。」
她憶述，當時到元朗站月台看到樓下大堂有大批白衣人，持不明物體不停毆打市民，隨後白衣人追上月台，列車竟停駛，要求所有乘客落車，「之後就見到（白衣人）keep住喺車尾拉啲人出嚟打，好多白衫人圍住一個黑衫年輕人喺咁打。有啲女人嗌、有小朋友喊、有婆婆好驚。我係完全唔識反應……望住身邊嘅人俾人打。」
藍說，7.21後有人就事件舉辦元朗遊行、靜坐等，自己仍會感害怕而不會參與，「真係好驚，會形住自己俾人打」，但會不斷提起事件以紓發情緒。她批評，事件明顯反映警方濫權，因已有大量新聞片段拍攝到當日情況，但仍有不少涉案白衣人未被捕或起訴，相反反修例示威者被捕就快速提堂，「完全唔公平，你一直所講嘅法治治港、止暴制亂，唔覺得你係做緊呢樣嘢，你係發洩仇恨，所以先拉成6,000人。」
藍稱，以前可算是港女、港豬，至今年6月才完全醒覺，明白修例的嚴重後果。而7.21事件是令她一直堅持抗爭的原因，呼籲港人除了保持憤怒，亦應保持理性，加入工會為三罷做好準備。
-----------------------------
民陣元旦大遊行
