日本模特兒界經常傳出不和消息，當地有綜藝節目最近爆料指媽咪級混血女星土屋Anna再添仇口，暗指佢同長腿索模菜菜緒關係惡劣，據知菜菜緒恃住近年成為搶手貨，土屋Anna則自封模界傳奇，兩位阿姐踫頭即擦出火花，早前更於時裝騷後台狹路相逢，先挑釁後互睥，目擊者直指當時場面充滿火藥味，相信二人今後難有合作機會。

節目雖然冇公開事件中兩位主角嘅身份，但就俾晒提示，明確係講緊向來火爆嘅土屋Anna同埋圈中惡女菜菜緒。其實二人在model界都出名麻煩，土屋曾與道端Jessica鬧不和，而菜菜緒亦在拍攝日劇《First Class》跟佐佐木希傳出不咬弦消息。