唔知田少係咪都睇唔過眼建制派近排喺議會盲撐立法嘅奪權行為，佢仲寸爆咁話以前做得功能組別議員都係業界精英，「我哋做議員之前已經成功，唔係𠵱家嗰啲做議員先成功」，真係冇眼睇𠵱家部份功能組別議員。
田少唔只為商界、為港人擔心，佢仲為工聯會同民建聯憂心，佢話11月就區選，兩大黨幫政府揹咗呢張飛，認真要擔心喎，「13萬人（遊行）幕後有咁多市民，由山頂到中產到基層都有」，預計建制派今次區選好有可能係2003年翻版，再次大敗，功能組別出年都未必保得住個位，又笑笑口話自由黨可能多返幾席都唔定，不過佢最想嘅都係政府撤回修例，「唔好搞咁多嘢」。田少深明民之所好好之，民之所惡惡之嘅大道理，但似乎建制派不惜一切都要為政府護航，可能對選舉係抱坐定粒六嘅心態，接下來應該係靠選民認清事實喇。
李八方