【武漢肺炎】梁民熊指NBA係「等爆嘅炸彈」 蔡再懃 葉耀邦直言停賽係唯一選擇
蘋果日報 2020/03/12 13:52
NBA爵士甲一高拔梁民熊蔡再懃梁兆華葉耀邦武漢肺炎
武漢肺炎殺入歐美體壇，NBA今日驚傳爵士中鋒高拔確診並無限期暫停聯賽的消息，梁民熊（Bear）、蔡再懃、梁兆華及葉耀邦等甲一籃球員直言不只NBA，全球體壇在疫情下皆受影響。兆華直言外國在早期輕視疫情，惟香港經歷過2003年的沙士，才會嚴陣以待。
疫情在港爆發，四人異口同聲表示有更多時間觀看NBA，兆華指：「唔使教波又唔使練波，平時除咗自己做gym同落街場練習，唯一可以跟貼籃球現況係得NBA。」不過他們認為全球體育賽事在疫情下無一倖免，加上外國人普遍覺得「沒生病便不用戴口罩」的文化，Bear指NBA就像「等爆嘅炸彈」，停賽只是時間上的問題。對於有NBA球員確診，阿懃及邦邦感到震驚之餘，也認為停賽是唯一選擇，前者表示：「家陣好似有兩位球員確診，連足球都有，都好嚴重。所有體育賽事唔好話取消，但都應該要暫停。」
阿懃、兆華及邦邦上月曾代表香港到澳洲出戰FIBA亞洲區外圍賽，港隊在上機之時如臨大敵，人人皆戴上口罩及攜帶酒精搓手液等防疫物品以保健康，但阿懃指當地人的防疫意識較薄弱，驟眼不見有人戴口罩。兆華亦認同外國人低估疫情嚴重性，「外國人危機意識冇咁高，可能香港經歷過沙士，而且沙士喺亞洲比較嚴重。可能我哋親身經歷過，先會咁重視疫情，嚴陣以待。」
香港籃總早前宣佈將銀牌及聯賽延期至不早於8月開打，無疑降低一班球員交叉感染的風險，三人也認同一切應以健康為重，效力永倫的bear表示：「我當然想冇病冇痛咁如期（開波），但波就幾時都有得打，一定要顧己及人、健康最緊要。」今季升上南華的邦邦坦承球員也擔心健康問題，縱使平日練習健身，也會注意衞生：「做gym會用殺菌清潔劑抹吓張凳同啲啞鈴，每次做完gym或打完波都要洗手。」今季轉投滿貫的阿懃盼疫情盡快受控，而南華主將兆華則指比起延期，今季甲一直接取消，集中應付疫情或更合適：「我都慶幸甲一延期，喺咁大嘅病毒面前，呢個時期仲進行比賽，即係每個球隊都要練習，你都唔知每日接觸過嘅人會唔會係帶病者。」
記者：許嘉明
對於有NBA球員確診，葉耀邦（左）及蔡再懃感到震驚。（資料圖片）
外國人普遍覺得「沒生病便不用戴口罩」的文化，梁民熊（右）指NBA就像「等爆嘅炸彈」。（資料圖片）
梁兆華（中）認同外國人低估疫情嚴重性，「外國人危機意識冇咁高。」（資料圖片）