杜利萊被傳冇申請下季公司騎師牌照，季後或去新加坡發展，事件仍有待證實。假如要離開一個策騎多年之搵食基地，絕對唔難一件易事，不過當事人平常心面對，只管繼續做好本份，贏得就贏。
今晚第四場四班一哩，近排實力座騎銳減之杜利萊，得到姚本輝雪中送炭，有幸騎番季初由自己一手一腳開齋之「盈豐駿駒」，賽前人馬試閘跑第一擺明車馬，結果今場沿途守三四位，後上勝出漂亮一仗，6.1倍建功，呢位法國騎師自3月18號「惜福」以來，取得久違的谷草頭馬。
無巧不成話，姚本輝亦都打破自3月18號「財神駕到」後之谷草頭馬荒，真係夾埋都冇咁啱。落飛黨今場向輕磅馬打主意，臨尾「金叻星」同「金龍」齊齊着燈顯著落飛，不過跑落齊齊冇影，輸到落飛黨暈暈哋。「海南花梨」同大熱門「友瑩養」力拼分別跑第二同第三，第四名係「上進」，四重彩派一萬蚊。