【短片】【浪漫就是...】葉璇霍建華被爆地下情 雨中翹手漫步
蘋果日報 2014/05/21 06:00
葉璇霍建華
葉璇同霍建華被拍到雨中漫步。（互聯網圖片）- 兩人仲去篤波消遣。（騰訊娛樂圖片）
- （互聯網圖片）
- 兩人曾合作拍劇（微博圖片）
- （微博圖片）
緋聞女王葉璇再被爆戀聞，有指葉璇喺橫店拍劇期間，同台灣男演員霍建華雨中漫步，仲一齊篤波，sweet到不得了。
曾經同吳京、陳浩民、李東學等傳過緋聞嘅葉璇，近年自己做埋老闆，喺內地投資埋拍劇嘅佢，就比人發現同細自己兩個月嘅霍建華一齊，霍建華係邊個？佢現年34歲，都幾靚仔0架，曾經同陳喬恩拍拖，又同林心如及唐嫣等女星傳緋聞，霍建華喺《笑傲江湖》演令狐沖。
兩人被指到用埋同一把遮雨中漫步，咁一把遮咁細，就梗係要撓住手先唔會淋濕啦。之後佢哋又去咗篤波消磨時間，加埋一個黑、一個白嘅情侶有帽衛衣打扮，襯到唔止絕，話冇嘢都冇人信啦。
其實舊年已經有報道，話霍建華特意走去橫店探葉璇班，又其實10年前，佢哋兩個合作拍內地劇《天下第一》，已經傳過緋聞0架喇，當時佢兩個又係一齊擔遮，男方仲送女方上車添。不過據報道指，霍建華公司嘅工作人員否認，仲話佢哋兩個只係舊朋友叙舊見個面，加上當地酒店嚟嚟去去得嗰幾間，住埋一間酒店都唔出奇喎。
係囉，唔出奇呀，奇就奇在，呢位工作人員幫葉璇答埋，話佢0依家仲係單身喎，人哋私事都咁清楚嘅，真係得意喇！
曾經同吳京、陳浩民、李東學等傳過緋聞嘅葉璇，近年自己做埋老闆，喺內地投資埋拍劇嘅佢，就比人發現同細自己兩個月嘅霍建華一齊，霍建華係邊個？佢現年34歲，都幾靚仔0架，曾經同陳喬恩拍拖，又同林心如及唐嫣等女星傳緋聞，霍建華喺《笑傲江湖》演令狐沖。
兩人被指到用埋同一把遮雨中漫步，咁一把遮咁細，就梗係要撓住手先唔會淋濕啦。之後佢哋又去咗篤波消磨時間，加埋一個黑、一個白嘅情侶有帽衛衣打扮，襯到唔止絕，話冇嘢都冇人信啦。
其實舊年已經有報道，話霍建華特意走去橫店探葉璇班，又其實10年前，佢哋兩個合作拍內地劇《天下第一》，已經傳過緋聞0架喇，當時佢兩個又係一齊擔遮，男方仲送女方上車添。不過據報道指，霍建華公司嘅工作人員否認，仲話佢哋兩個只係舊朋友叙舊見個面，加上當地酒店嚟嚟去去得嗰幾間，住埋一間酒店都唔出奇喎。
係囉，唔出奇呀，奇就奇在，呢位工作人員幫葉璇答埋，話佢0依家仲係單身喎，人哋私事都咁清楚嘅，真係得意喇！