【山竹風災】林鄭稱政府獲讚處理得好 涂謹申:佢係咪住喺香港?
林鄭月娥涂謹申蔡子強山竹
林鄭(右)指昨日出席多個活動,都有人讚今次特區政府同相關機構風災處理做得好。左圖:許頌明攝、右:資料圖片
打工族要在颱風「山竹」蹂躪香港後上班有多難?各式「二次創作」圖片已令人有深刻體會,但未有聽從民意宣佈停工的特首林鄭月娥似乎不食人間煙火,今天行政會議前會見傳媒,不單自誇不少人讚政府處理風災做得好,聲言「但係我係唔會自滿嘅」,更指理解有市民因為等車太久而將特首當作出氣袋,民主黨立法會議員涂謹申直斥林鄭「好離地」,「到底呢個特首係咪住喺香港?」
涂謹申回覆《蘋果》時怒斥:「原來林鄭將颱風處理定性為『好好』,只係唔會自滿咋,根本同廣大市民嘅感受脫節」,他不滿林鄭認為市民將特首當出氣袋,「似乎佢覺得政府已經做得好好,冇半點要改善嘅地方,呢個特首其實係咪完全感受唔到市民怨氣同憤怒,唔知道呢啲怒火係因為政府自己有啲嘢做錯咗?」
涂謹申強調,當局應該早在周日「山竹」蹂躪香港時,已知道翌日、即周一未能完全清理路面塌樹等情況,相信市民會理解運輸系統未能霎時回復正常,涂認為:「其實特首只要喺當晚出嚟,呼籲甚至懇求私人公司,容許唔使一定要返公司做嘢嘅員工,可以留喺屋企做嘢唔使返工,咁就可以舒緩到一啲交通上嘅需求,但佢(林鄭)都冇咁做到。」
林鄭又指,昨日香港很多活動仍在進行中,「我出席咗總共四個公開場合,有啲國際性會議,有啲係慶祝的國慶酒會,喺呢啲場合裏面,都有公開或者私底下的朋友,係對我轉達對於今次特區政府同相關機構處理呢件事呢,表示讚賞。不過呢個唔係我哋覺得有咩特別嘅,呢個係我地作為公職人員必須要做,反之我地亦都會繼續檢視有無可以做得更加好的地方」。
中大政治與行政學系高級講師蔡子強表示,林鄭昨日的回應予人感覺「晦氣」,暗示市民不滿僅屬「發洩」,但沒有反省自身不足。蔡認為林鄭今次處理風災「前半做得好,但好快鬆懈」,未有及時意識到周一的交通系統未能復原,「危機意識細咗」,亦在停工訴求上轉移視線,「同意(全港停工)法律上困難,但唔不代表公務員唔做得」。蔡強調澳門政府早於周日宣布公務員停工,但林鄭周一早上9時多才向外提出酌情處理公務員彈性上班的說法,「9點幾個個都喺返工途中啦」。他指林鄭作為有經驗的官員,理應對民意相當小心,今次事件雖未至於形成政治危機,惟「嚴陣以待贏返嚟嘅好感輸得八八九九。」
涂謹申直斥林鄭「好離地」,「到底呢個特首係咪住喺香港?」