當年今日
關於我們

隔牆有耳:任達華、任達榮拍住上 - 李八方

蘋果日報 2009/10/14 06:00


眾所皆知,影星任達華係現任警隊「二哥」任達榮嘅親細佬,早排警隊同道路安全議會推出「3C好司機運動」,身兼道路安全議會主席嘅任達榮要參與宣傳活動,任達華亦罕有咁親身捧阿哥場,落力幫阿哥宣揚道路安全訊息,最新一期《警聲》有任氏兄弟合照,大show兄弟同心。
警隊呢期似乎鍾意搵明星幫手,警隊人事服務及職員關係科邀請「肥媽」做嘉賓,下月13日舉行一場「肥媽笑談快樂家庭」講座,與警員同家屬分享管教子女技巧、面對逆境心得同親子入廚樂等,肥媽社會閱歷深厚,八方相信佢勝任有餘,以佢嘅說話技巧,相信o靚模周秀娜喺科大被人問到口啞啞場面斷唔會發生。