Avis同錢柏渝撻着早有迹可尋,他近日邀請女方幫佢間健身中心代言,當日佢哋避忌僅以好朋友相稱,錢柏渝明顯冧Avis,大讚佢係欣賞類型男士。近水樓台,Avis成功將錢柏渝追到手,佢噚日喺電話直認戀情,Avis甜到漏話:「Kelly(錢柏渝)係我女朋友呀,其實我哋識咗好耐,但佢呢次嚟香港發展,我哋見多咗發覺啱就一齊,佢同香港女仔好唔同,大家互相遷就到。」Avis自爆生日仲帶新歡出席家庭聚會,佢話爸媽對女友評價好好,兩人剛開始拍拖,暫時未諗結婚。錢柏渝單拖來港闖天下,Avis是否提供三包,包食包住包照顧?佢就話:「男女朋友唔計較。」
撰文:馮仁昭