上個星期日（4月30日）女皇盃大賽日，前冠軍騎師潘頓成日都好似心不在焉咁，最叻都係跑第四，但剛周三（3日）晚他於谷草中三元狀態返晒嚟後，今日（7日）潘頓又有佳績交出。

全日暫時跑咗五場，潘頓有四場有名，已經拎咗兩冠一亞一季，唔通為咗老戰友「友瑩格」因腳傷搞到冇得跑告別戰，而對佢產生刺激作用，諗住用勝利嚟感謝「格格」嘅貢獻？不過，對於馬迷嚟講，見到潘頓復蘇都係一件好事，所以其後場次，佢嘅座騎唔可以錯過。