啱啱榮升人母嘅33歲台灣女星陳妍希，今個月20號為大陸男星老公陳曉誕下身長50厘米、體重約7.7磅嘅B仔「小星星」（新聞連結： http://bit.ly/2hfsd61 ），陳妍希仲貼咗一張一家三口伸手合照嘅相上網。

據悉陳曉今個月18號飛咗過台灣陪陳妍希生產，之前嬰兒床上掛住陳妍希本名「陳玫璇」嘅牌，但近日已經收起咗。今日就有讀者根據嬰兒床紀錄嘅BB身長、體重就同陳妍希透露嘅資料吻合，影到「小星星」廬山真面目，連日嚟仲有台灣傳媒見到不時有人前往探望小星星，又話BB「鼻子像女生、眼睛像男生」、「這個寶寶，好可愛喔。」等等。

睇番啲相，呢位「小星星」臉色紅潤健康，雙頰圓圓，五官就同陳妍希、陳曉有幾分相似，台灣傳媒仲話喺醫院見到有位戴住口罩、貌似陳曉嘅男子，不過佢冇受訪就調頭走。而陳妍希經理人都有睇過「小星星」嘅相，不過就冇回應。