主力搞「平安鐘」嘅長者安居服務協會出版雙周刊《長訊》創辦三年，出埋8月號就「摺埋」，協會總幹事馬錦華話《長訊》反應唔錯，每期大約賣16,000本，今次只係暫別讀者，希望重整內容年底前決定未來路向。協會理事鄭大班透露，由於協會唔係出版社，故考慮將《長訊》外判，達到自負盈虧，改為月刊都唔出奇。
今期《長訊》訪問支聯會主席華叔，華叔年屆76歲，養生之道係每朝起身飲六杯清水，大掃除腸胃，而且唔食午飯，佢話年年驗身，身體好健康，都市人普遍有嘅高血壓、糖尿病都冇，長年保持110磅。華叔咁fit，相信羨慕死唔少人。