孫達志剛以「威祥」取得新季第一win，馬主曾炳威千金曾向欣今期(9日)有沈廐「悅欣賞」接力，沈集成就梗係想把守曾氏孖寶尾關，嗱嗱聲打開馬房今季勝門；但作為練馬師之一，孫達志又未必咁諗。相信大家都知孫達志兵力唔多，亦有向曾炳威父女尋求支持，但曾氏家族暑期到港，等候批准命名之「威五」及「無限欣賞」，已落實入姚及東廄，不過曾炳威話如果「悅欣賞」唔掂，退役換馬，可能醒番隻新馬替代品畀孫達志都唔定，換轉你係沈集成，都一定想保住「悅欣賞」。
雖然「悅欣賞」今仗執個11檔，但上季初蔡明紹建功那次都排10檔，分別不大且原配而來，點樣發揮，到時大可細心欣賞！