當年今日
關於我們

【洗腦動畫歌】《煙花,應該和誰看》主題曲《打上花火》連登七星期榜首

蘋果日報 2017/09/28 20:30

煙花,應該和誰看DAOKO米津玄師

新海誠炮製嘅動畫電影《你的名字。》相當成功,今日仲宣佈將會開拍成荷李活真人版,而今年接力上映嘅另一矚目新片《煙花,應該和誰看》,除咗係改編自日本名導岩井俊二嘅舊作《煙花》之外,幕後陣容同樣有睇頭,連配音都請來人氣偶像廣瀨鈴、菅田將暉同埋著名女星松隆子助陣。
《煙花,應該和誰看》今日已在香港開畫,首天成為香港票房榜第三位,雖然呢套戲喺日本上映時未及《你的名字。》咁彪炳,但片中主題曲《打上花火》同樣大熱,仲於當地Hit足近兩個月。
《打上花火》由女歌手DAOKO同米津玄師合作,唔止喺YouTube點擊率極高,成為上個月Recochoku收費歌曲榜嘅冠軍,而日本Billboard剛公佈本星期JAPAN HOT100排行榜,《打上花火》已重登榜首,更連續七星期成為動畫歌曲榜No.1。其實《煙花,應該和誰看》其他歌曲都同樣悅耳,年僅19歲紅人廣瀨鈴都為電影大展歌喉,翻唱松田聖子名曲《瑠璃色的地球》,並收錄於原聲大碟之內。
empty
DAOKO早前上《Music Station》獻唱《打上花火》
empty
《打上花火》重登JAPAN HOT100榜首,並成動畫歌曲榜七周冠軍。
empty
《煙花,應該和誰看》今日在港開畫。