at17成員盧凱彤（Ellen）今月墮樓身亡，最傷心除咗係Ellen父母外，相信就一定係遺孀余德靜萍同埋多年拍檔兼好姊妹林二汶。

Ellen本月14日出殯，經過2日休息後，余靜萍同林二汶亦相繼復工，林二汶噚日就喺IG度貼出一張出席電話品牌音樂會嘅相，而且更寫住「多謝」，相中嘅二汶雙手豎起手指公，而且笑容滿臉，網民見到重現笑容嘅二汶，都有紛紛留言叫二汶加油。

而另一方面，本來幫曾國祥拍攝電影《少年的你》嘅余靜萍，原來亦已經復工，今日曾國祥就喺IG post咗張余靜萍坐喺人字梯上、攞住攝影機拍攝嘅相，寫住「強人是你！」，而大家見到小余，亦有留言叫佢「加油」。

精選娛聞，喺晒《娛果》
http://fb.com/appledailyent