【勿忘初心】安俊豪兒時被欺凌 靠拍戲搵返正能量
微電影安俊豪
藝人安俊豪早前為「香港心Anywhere微電影創作比賽2019」擔任大使兼拍攝閉幕電影《501》。在片中擔任男主角的他,飾演患有亞氏保加症病患,在專注力、感情世界及群體生活中遇上困難,及後為參加掟鏢比賽,開始加強訓練專注力,更在比賽中找回自我。
安俊豪透露小時候亦曾因專注力不足及過度活躍,在學校受到欺凌:「拍被同伴打嗰幕,好似親身經歷咁。記得最嚴重嗰次係學校都報晒警,仲搵埋家長嚟,但係媽媽同我講如果我追究,其他同學仔就會被警察帶返去。」他最後決定不再追究,認為每個人都應該有改過自新的機會。
至於戲中男主角的故事,安俊豪坦言他與男主角,都是自信不足的人,更笑指劇本是為他度身訂造:「拍呢齣微電影,令我記得返自己嘅『初心』,希望嚟緊可以更加正能量,更加堅持追求自己嘅夢想。正如戲入面咁講,最後支鏢究竟中唔中並唔重要,因為唔單止這支鏢找到目標,我嘅人生都找到目標。」
-----------------------------
第三屆最港電影大獎
按此立即投票 -----------------------------