【爆相爆片】汪阿姐病向淺中醫 中環睇醫生不忘濕平
蘋果日報 2019/08/04 00:00
汪明荃羅家英耳鼻喉專科
現年72歲的羅家英曾經在05年患上肝癌第三期，經治理後已康復。到今年4月家英哥在大陸拍攝《心願清單》時發高燒至41度，一度令人擔心他舊病復發。最後証實虛驚一場，只是細菌感染引發膀胱同腎發炎，經返醫院吊鹽水治療後康復。老公經歷病患，身為老婆的阿姐汪明荃自然深明病向淺中醫的道理，畢竟都已經71歲。所以早前阿姐身體抱恙，就趕緊去睇醫生，始終小心駛得萬年船，病向淺中醫。
病還病，東西還是要買，就如先前7.14事件中，有一幅圖片是一名女子 在云云示威人士中，手拿戰利品行過，跟身邊的情境成強烈對比。事實證明女士的購物慾，不容忽視。早前本報讀者李先生就影到阿姐睇醫生之餘，仍不忘濕平。李先生表示當日下午4時許阿姐身穿牛仔褲、外套、挽着手提袋，戴着墨鏡一個人現身中環。她在中環一帶名店輕輕鬆逛了個圈，不久就買到心頭好，手上挽着戰利品。之後她行到就近名醫林立的中建大廈。阿姐看完一輪水牌，最後到詢問處求教一位耳鼻喉專科醫生所在的樓層，李先生說：「阿姐好有禮貌，位服務員都認得阿姐，跟住阿姐就去上咗排隊等電梯，去咗嗰位專科醫生嘅樓層，我逗留咗差唔多一個鐘都唔見阿姐落嚟。」可能轉天氣近日時晴時雨，不少人都呼吸道抱恙，所以輪候需時。