不是兒科專科，但開診地點被小學、幼稚園圍着，一到流感、手足口病或其他傳染病高峰期，就會擠滿求診的病童和老師。

我：你啲感冒症狀同你啲學生一模一樣喎。
老師：Touch Wood，仲有手足口、水痘、猩紅熱……乜都有。
我平淡道：你學校今日早退咗7個喎（家長講）。
老師：你咁都知！我打咗十幾廿個電話（意指十幾個有病），只有7個肯過嚟接。
我：家長工作忙，好常見呀呢啲事。
老師：前個禮拜有一對兄妹咳，叫家長接，但家長要去義工Gathering，叫佢第2日唔好畀小朋友返學，佢話Committee開會唔得閒，結果依家咪成班都病晒。
我平淡道：聽聞過、聽聞過……你好好休息3日免得交叉感染。
老師：我都想啊，但唔畀呀，一日都唔可以放……

無病用口罩，有病就放任咳；有病要返工，無病卻射波！上述常見但不合理，習以為常不代表正常。社會風氣，一人難敵，個人修養，仍可以反省修正。

每次流感，從不同地區都聽到差不多的故事。小朋友們非常友好，容易一個傳染全班，而剛復原的，抵抗力仍很弱，易被傳染。

小朋友有病，不要返學，這是常識但不是所有人做到。

撰文：註冊中醫師陳俊傑