當年今日
關於我們

【做埋愛神】佐藤健成功撮合粉絲求婚成功

蘋果日報 2015/10/13 06:00

蘋果香港佐藤健小松菜奈桐谷健太爆漫神木隆之介

日本男星佐藤健今年事業都幾順暢,之前演嘅劇集《天王的主廚》大受好評,現時喺日本上映緊改編自漫畫嘅新片《爆漫》,票房亦相當唔錯,噚日佐藤健連同拍檔神木隆之介、桐谷健太同小松菜奈,喺東京一間戲院謝票,佢哋三日走勻日本全國23間戲院,認真辛苦。

問到謝票活動有乜事最難忘,佐藤健話喺大阪其中一場,有男粉絲連同女友一齊捧場,仲話今日喺同女友拍拖四周年紀念,要求佐藤健送上祝福,點知佐藤健話:「都四年啦,不如求婚啦。」結果個男粉絲即場求婚,仲好成功。佐藤健仲被拍檔桐谷健太笑佢簡直係愛神。