【至索亞姐】王珍珍最經典 楊恭如演同性戀提名金像獎

蘋果日報 2017/09/09 00:02

楊恭如我和殭屍有個約會古惑仔情義篇之洪興十三妹風雲之雄霸天下齊天大聖孫悟空
    現年43歲嘅楊恭如，近年都係主力喺大陸拍電視劇，而電影方面近年就比較少有露面，就算有大多都係客串角色，所以喺香港見到佢嘅機會唔多，不過其實95年參選亞姐奪冠出道之後，有「至索亞姐」之稱嘅佢喺電影電視上都有唔少代表作。
    《我和殭屍有個約會》
    參選亞姐奪冠而出道之後，楊恭如好順理成章咁加入咗亞洲電視，如是者拍咗兩年電視劇之後，佢終於有一個可以發揮嘅機會，就係喺《我和殭屍有個約會》入面飾演馬小玲嘅好友王珍珍，戲中單純善良嘅佢仲被「單眼佬」程東所飾演嘅裁縫阿平嘅鬼魂糾纏過。
    《古惑仔情義篇之洪興十三妹》
    楊恭如喺戲中飾演吳君如嘅「好友」張美潤，同吳君如有一段亦友亦戀嘅曖昧關係，戲中被程東飾演嘅社團大佬咸濕企圖強姦，佢更加憑呢部戲提名香港金像獎最佳女配角，不過最尾就輸咗俾同一部戲提名嘅舒淇。
    《風雲之雄霸天下》
    飾演雄霸個女孔慈嘅楊恭如，今次就糾纏喺兩位同門師兄，聶風同步驚雲之間，步驚雲更因為佢同聶風成親而師兄弟反目，對戲情進展至關重要。
    《齊天大聖孫悟空》
    集合大量影視名星嘅《齊天大聖孫悟空》，再次由張衛健飾演美猴王，而今次呢一套孫悟空之中有大量嘅感情戲，而楊恭如就飾演一直暗戀孫悟空嘅白骨精，到最後已經變成癡戀，係戲中主角之一。
    empty
    empty
    「至索亞姐」之稱嘅楊恭如喺電影電視上都有唔少代表作。（劇照）
    empty
    喺《我和殭屍有個約會》入面飾演馬小玲嘅好友王珍珍。（劇照）
    empty
    楊恭如喺戲中飾演吳君如嘅「好友」張美潤。（劇照）
    empty
    同吳君如有一段亦友亦戀嘅曖昧關係。（劇照）
    empty
    飾演雄霸個女孔慈嘅楊恭如，今次就糾纏喺兩位同門師兄，聶風同步驚雲之間。（劇照）
    empty
    集合大量影視名星嘅《齊天大聖孫悟空》楊恭如係戲中主角之一。（劇照）
    empty
    楊恭如就飾演一直暗戀孫悟空嘅白骨精。（劇照）