今日10月31日Halloween，海洋公園哈囉喂猛人雲集，除咗一早預告會扮鬼扮馬嘅海注公園副主席劉鳴煒同埋主席孔令成外，連特首梁振英同夫人梁唐青儀都到場探班。

梁振英喺個人facebook就話「今日哈囉喂，剛剛去海洋公園探班，孔令成主席，劉鳴煒副主席,CEO和COO.HaveFun」，5張探班相都表現鬼馬，喺化了鬼怪妝嘅劉鳴煒同孔令成中間比「like」手勢，梁太仲作狀向孔令成「開鎗」。特首夫人打扮豔麗，一身紅裙，莫非係配合萬聖節主題？大家認為邊個恐怖啲呢？唔好誤會，我係問緊孔令成同劉嗚煒個妝啫。

除咗兩公婆之外，個女齊昕都好似有去，仲影相擺上instagram，話「叫咗阿媽着龍蝦衫.Andkeepthefacejustasitis.LOL」之前話同阿媽關係差，咁話佢會唔會嬲嬲豬架？