當年今日
關於我們

【短片】【批完英女皇條命之後】林作搵師傅解救麥玲玲:一早批佢哋分手

蘋果日報 2016/06/29 06:00

蘋果香港麥玲玲即時麥明詩林作

「十優港姐」麥明詩最近同男友林作感情現暗湧,合作拍劇嘅「鴨王」何浩文(Dominic)乘虛而入,兩男早排喺網上爆暗戰,日前麥明詩出席新劇記招嗰陣,雖然話同鴨王只係朋友,但同時直認同林作處於冷戰中,戀人關係危危乎!(新聞連結: http://bit.ly/29apsQ4 )

處於被動狀態嘅林作,今日下晝3點,俾本報發現喺中環約咗麥玲玲,二人喺街頭邊行邊傾,跟住上咗東方文華酒店嘅coffeeshop,同行仲有個西裝男,而同樣着住西裝嘅林作,對住枱面上嘅文件眉頭緊皺,心事重重咁。

記者今日打電話俾麥玲玲,佢話今次約林作,純粹要搵對方打官司。「因為有間網站公司,喺冇通知我嘅情況下,用咗我嘅肖像放喺啲玄學飾物度!所以咪搵Joe(林作)幫手出律師信,希望對方會將啲貨品下架。」

談到林作感情問題,麥玲玲就話:「佢話佢o依家要專注事業,努力搵錢,佢今次接我呢單case都好落力,用咗一晚時間,搵咗好多資料做準備!」

對於麥明詩同林作嘅感情,麥玲玲就話:「上次同佢哋食飯,我已經講佢哋會分手,阿Joe仲問我點解,話自己對呢段感情好有信心!」