中共建政70周年紀念日前夕，大批親北京人士先後現身香港國際機場，準備坐專機上京面聖贈慶，但當中竟然夾雜一個「黑衣人」，無論件恤衫定西裝都係黑色，呢個人就係全國政協常委唐英年。唐唐呢身全黑裝扮，惹來唔少網民議論紛紛，有人讚佢著得「好合時宜」，有人笑佢係示威者嘅「black bloc」，亦有人話佢政治不正確，叫佢應該著到紅噹噹利是封上京先啱。

同政府及警方未審先判，開口埋口鬧示威者係「暴徒」唔同，唐唐今日回應傳媒提問批評個別示威者時，最多都係用「少數暴力示威者」呢個稱呼，佢又話過去幾個月，自己最傷心係見到唔同政見人士互相毆打，無咗過去互相包容嘅尊重，希望大家諗一諗，乜嘢係香港嘅核心價值。有網民就不禁想問一句：「接受唔到立場唔同，亂打人，你係咪講緊我哋嘅香港警察？」

表明上京期間有機會同中央官員見面嘅唐唐，臨上機前亦不忘暗批林鄭，直指特區政府呢幾個月來嘅表現係「有所不足」，尤其係制定《逃犯條例》過程中，不論政治評估或者諮詢過程都係做得不足，結果令香港社會去到呢個地步。佢又話，警察因為「少數暴力示威者」疲於奔命，佢好希望警方繼續努力，保障巿民生命同財產，同時又指大家要畀林鄭更多支持，「鼓勵林鄭更大膽做政策上的措施」，唔通引用《收回土地條例》向地產商收地，就係屬於「大膽」嘅政策？

-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道

註︰民陣上訴被駁回
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港