當年今日
關於我們

李八方online︱何君堯領軍發動聯署推司法改革 藍營大狀都唔BUY

蘋果日報 2020/09/18 17:26

何君堯麥慶歡建制派郭榮鏗

司法界最近俾左報同建制派連番狙擊,被批評放生「縱暴派」。藍營「大聲公」、本身為律師嘅立法會議員何君堯點會輸蝕?早前發起「KOL推動:改革司法制度,全民聯署」大行動。由何君堯領軍嘅活動,水平質素大家心中有數,就連建制派陣營嘅法律界都唔buy,7月時曾經報名參選新一屆立法會法律界選舉想挑戰郭榮鏗嘅麥慶歡大狀都好擔憂,主動出po話明「慎用政治運動方式推動司法改革」,話希望可以同何君堯理性討論。
如果唔係報名參選,麥慶歡都冇乜人識;雖然選舉押後咗,但似乎佢都仲好關注政圈動態,留意到何君堯又有舉動,似乎仍在積極備戰。

明年極有機會捲土重來再報名

佢喺帖文話要理性對待法官嘅裁決,唔應該將司法機構當磨心,如果當事人對裁決不滿,可以上訴,而且司法機構都有機制處理法官嘅投訴,不宜由政治人物以發動社會運動方式向司法機構施壓,更重要係唔同案件涉及嘅事實同法律理據都唔同,不能一概而論,覺得訴諸情緒根本唔能夠客觀處理司法改革嘅爭議。
佢話明擔心呢種施壓方式如果風行,對司法機構作激烈情緒投射,香港會進一步失去理性對話,冇咗重新出發嘅空間。雖然冇指明道姓,相信大家都會對號入座。
empty
麥慶歡稱希望與何君堯理性討論,又指一旦任由風波衍生的觀點對立向司法機構作出激烈的情緒投射,香港將進一步失去理性對話的空間。麥慶歡fb帖文
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁