【新增圖片及內容】

韓國組合男女共學出身嘅27歲男星車柱赫，前年因涉嫌販賣及吸食大麻、迷幻藥而被起訴，同年再被控醉駕，車柱赫方面承認所有指控，經過審訊後於去年被判入獄1年6個月，並已於本月14號刑滿出獄。

不過車柱赫今日再被爆涉吸毒被立案，係佢出獄後僅12日再爆出涉毒是非，引起網民批評。據報道指，車柱赫於前日(25號)凌晨4點因大聲喧嘩而被鄰居舉報，警方接報到場進行調查，車柱赫唔止爆粗侮辱警方，警方發現佢有吸毒嘅嫌疑，並即場進行毒品測試，結果呈陽性反應，所以警方將車柱赫正式立案調查，並於噚日向法院申請咗拘捕令。

而車柱赫今日下午被警方帶到首爾中央法院，就拘捕令一事進行事前審查，車柱赫全程低頭不語，未有回應到場媒體嘅提問。

精選韓流，喺晒《娛果》
http://fb.com/appledailyent