前被踢出鷹君（041）董事局的羅家孻子羅啟瑞在記者會上借故暗示母親為何要告上法庭，除了暗示信託不肯增持鷹君股份，令其大股東地位恐怕不保之外，更大爆，信託更「建議」分身家，更只給5日時間讓家族決定！

羅啟瑞以故事解釋爭產內幕，以畢菲特的夢境故事帶出信託不肯增持股份之外，更指出信託建議其分身家：「喂你年紀咁大，使錢又唔多，不如信託拎百分之零點幾派畀你，其餘99點幾，分畀仔女啦，呢個建議，你哋全家用5日去考慮啦，冇結果就法庭見。」

羅啟瑞續指：「如果用大眾心態去睇，即係你畢生心血放在銀行，但銀行唔聽你講，你會點做？一係唔要，濕濕碎，一係就搵律師，告佢。信託唔聽你話，你梗係換，但又有兄弟話間銀行幾好，唔使換。」他反問，若信託真的分身家，誰得益最大？

羅啟瑞又稱有律師朋友「睇完報紙」後，認為呢場官司冇得打：「如果你屋企有人唔知件事，媽咪又老，被影響，被隔離，阿媽唔使打呢場官司啦，冇得打架喎！」

羅啟瑞認為自己損失亦很大，但只要媽親歡喜，便會支持：「精神上啲嘢係母親，實際上就放咗喺信託，我哋唔係等錢使，媽咪話晒事都可以。」

他認為今次事件，是一個警號，「呼籲家庭，個鬧鐘響咗，鬧得好大聲，活到呢個年紀，係時候醒啦。大家做孝順兒女，其餘仲未尊重孝順，同我哋改變，支持媽媽，媽媽叫大家回頭是岸，唔會嬲任何一個仔女多過5分鐘。」

掌握財經生活資訊，即Like「蘋果ATM」fb專頁啦！
http://fb.com/appledailyatm

手機用戶請按此觀看Timeline:
【鷹君上市王國 爭產一觸即發】 : http://bit.ly/greateagle