《蘋果》中國組｜記者到內地唔怕被人拉？ 「覺得啱就繼續做」
蘋果日報 2021/06/23 08:44
蘋果日報中國組
過去20多年，《蘋果》記者在報道內地各類重大新聞時從不缺席，包括汶川地震。
新聞點做就點做！
在《蘋果日報》26年都在跑中國新聞（包括華南版），我一直將上司這句叮囑當作金科玉律。
也記得早期的管理層還豪言，（內地）國安敢來《蘋果》，請佢哋一起開會都得，我哋報紙（內容）都喺咁出。
當年小記緊記這些宗旨跑內地新聞，與同行既競爭也合作，走南闖北。
許多人會問，《蘋果》記者返內地畀你哋採訪咩？
得（直至近兩年）!
當然，《蘋果》記者過去不能參與內地官方活動，例如全國兩會等申請也不批，而廣東省等地方兩會也不會向《蘋果》發採訪證，但當有涉及香港重大議題，《蘋果》記者還能混在香港同行堆中，等候採訪對象出現就上前扑咪、拍照。
有地方政府開記者會時，也只能避過門口登記，偷偷入去。這時最驚遇着唔生性行家，大大聲「你哋《蘋果》都畀入咩」，真喺唔知佢有心定無意。
當然，許多時我哋是被拒入去，甚至被趕出門，只能在門口等行家出來駁料。
遇着公安驚唔驚？
驚！
主要是怕未能完成採訪任務就落網。有個同事就因為驚公安拆菲林，由高處跳落田中躲藏，至今不時腰痛。
不過講真，記者遇着的內地執法人員並非個個都咁可怕。
尤其在廣東，以前負責宣傳部的官員仍比較開明，記得廣東省公安廳接待香港警隊高層訪粵活動，《蘋果》記者沒被趕，更與現場宣傳部負責人閒聊，記者訴說《蘋果》在內地採訪，並不是全是負面新聞，更多的民生和突發新聞，對方則坦言相告：「我哋（政策）唔喺邊啲畀你採訪，邊啲唔可以採訪，而喺唔想同你哋《蘋果》有任何關係。」
雖然這位宣傳官員初時禁止《蘋果》記者參加室內官方活動，但室外的採訪則隻眼開隻眼閉，雖然口頭叫記者唔好拍照，但見到舉機時，他識做地閃到一邊，當睇唔到。
許多人害怕的國保，也並非全部對《蘋果》記者存有敵意。記得一次到粵西採訪一宗連環爆炸案，被國保傳喚調查後遣返香港。其中一較年輕的與記者閒聊，明言佩服香港記者敬業，更稱自己只是奉命行事，叫記者「覺得啱就繼續做」。
這句話一直鼓舞至今。
過去20多年，《蘋果》記者在報道內地各類重大新聞時從不缺席。汶川地震，天津大爆炸，長江沉船。還有非典、禽流感、豬流感，以及港人在內地發生的突發事件等。
《蘋果》記者到內地，唔怕被人拉？
當然怕。事實拉過無數次。
最嚴重一次被拘查兩日一夜，之後監視居住10日。同組數名同事也一度被拘查。至於被地方宣傳部或派出所短暫拘留，寫悔過書，已記不清多少次了。
咁你仲敢去內地採訪？
敢！只要記住新聞點做就點做，報道的是事實。「覺得啱就繼續做。」無得怕！
況且，我哋打份工、搵兩餐啫。
以後點算？
搵工囉！要養家嘛，有無人請呢？
《蘋果》中國組記者
-----------------------------