今季跑咗三個回合，產生了28匹頭馬，除了「最驫」及「永常喜」兩匹從化兵之外，其餘26匹頭馬在季內都曾經試閘。今期夜賽（12日）第八場「川河寶駒」，季內曾兩度試閘，雖然名次並不起眼，但狀態已經及鋒而試，操足即搏。

第八場二班1650米，今場有跑開短途的「越影」及「勇霸神駒」在陣，預期前段步速會快。

「川河寶駒」體重只有970磅，馬身單薄不利勤拚，唞夠操足蓄銳一擊最煞食。最近兩季初出跑同程都贏馬，今季部署照辦煮豌，七月下旬已經開操，8月25日試1000米草閘，路程嫌短，前段落後遠，但終點前逐步上前，追勢不俗，相隔六日（31日）匆匆再試1200米泥閘，全程扣實居後跟跑，直路越走越勁，競賽意慾旺盛，今場跑最首本的路程，擺明車馬搏殺。

「赤兔寶駒」隨着年紀漸長，急躁的性情亦大有改善，好歹也是英國大不列巔錦標前盟主，級數相當高，上仗跑同程大勝而回，走勢重現雄風，今場仍跑二班賽，有力爭連捷。

「文藝學家」排內檔兼有快步速，發揮會特別好，今場形勢有利，可爭入圍。「綫路光輝」轉投告東尼馬房後，馬身肌肉變壯，觀感勝前。