黃貫中（Paul）昨日在尖沙嘴出席「Let'sFight」音樂會記招，音樂會於本月30日在StarHall舉行，演出的歌手有范曉萱、林曉培、葉世榮及何超儀等，阿Paul笑言身為音樂會搞手相等於打雜。

對於有報道指「別了家駒十五載海闊天空音樂會」中，阿Paul對家強表現冷淡，網民又批評當晚是家強個人音樂會，阿Paul說：「大家唔好分唱得多同少，最緊要有心，我希望所有人個心可以闊啲。我當時又彈結他又唱，點理到咁多嘢？如果大家想睇我哋肢體交流，下次我放低結他唔唱。唔使咁表面，內心要真誠，我唔會急於表現畀大家睇，總之家強會明白。」另外，梁翹柏在網誌上暗指有人藉音樂會作商業活動，阿Paul說：「我冇諗，拎起支結他我就要對自己同家駒有交代。」
採訪：李珮洳
攝影：陳順禎