莫雷拉今期多牌面馬，只覺五、六場牌面較弱，雖然有「非凡者」、「越跑越好」、「雄霸」這等難贏馬，但有好多這類馬落在其手上都有突破，誰敢說一定贏唔到？

第七場三班1200米：「綠勇士」以今季田草贏馬、上名賽績，這次轉到谷草，排埋1檔，除非面箍真的累事，否則應該響度。

「好益善」季內曾在田草1200與「綠勇士」鬥過，上次轉谷草同程，已預計會跑番好，果然無估錯，今次換梁家俊都好，也是另一爭勝主角。

「驍武」屬谷草1200大後上馬，韋達也可一再跑得好，今次蘇兆輝，令人更憧憬。「開心有你」當銳，連拼狀態無低落，但排十檔，同場內側有「超好玩」與「手到拿來」，外側也有「星光大師」，究竟會否與其鬥搶，估唔到！有不明，只宜作配。

第三場四班1200米：範圍不闊，「慷慨寶」、「越跑越好」、「野孩子」及「紅褲精神」屬四強，變數最多是轉廐、轉場、轉人的「紅褲精神」。

由賽績已顯示，「紅褲精神」出路好狹窄，今季先由容天鵬接手，連續兩場都跑泥地1200輸完又輸，不能說部署出錯，但泥地1200跑十次一W無P，比起谷草1200米13次得一W五P，加上贏馬一役壓倒這次又同場的「越跑越好」，一睇就知，邊個場地好！

可是容天鵬已暫無機會修正部署，轉到霍利時手上，一轉倉，重遇最熟佢的副練薛順強（上手胡森馬房副練），不單由他跳過三課，更隨即見霍利時替其報跑最有把握強項，換埋韋紀力排6檔，條件唔同晒！