今日（13日）晨操復課，騎師亦逐漸回防，相信出操馬匹質素會逐漸提高。而《蘋果》晨操專家積奇點評了兩匹暑假有所進步的四歲質新馬。

「香江世億」跳兩段，戴頭罩，慢開直路稍加快，今季體形已完全成長，灰馬毛水靚，有頭罩馬頭擺正多少，比前放鬆無咁急，有進步；「艮志騰雲」跳兩段，小心翼翼按實，走中檔，慢開直路稍加快，洒開大步奔馳，沒有任何配件，韁口穩定，期望今季會再進步。

「艮志騰雲」上季三連勝後加分至79分，惟未能及時消化評分，導致其後兩仗都未有表現。煞科增程至1400米順利放頭，頭兩段比標準時間快1秒1，但仍然能捱得一席第三，表現亮眼。

其父系「戰盔」是香檳錦標以及考菲爾德堅尼冠軍，「艮志騰雲」絕對有權征服一哩賽。馬匹疆口逐漸穩定，來季更有機會可以衝擊四歲系列賽。