大坑新開一幢精品酒店兼服務式住宅，名為Little Tai Hang，特別之處，呢度嘅創辦人乃已故船王包玉剛嘅外孫包建雄（Tommy Watari Pao）。
Tommy係包玉剛三女包陪麗與渡伸一郎所生嘅兒子，包陪麗出名醉心藝術，擅長畫畫同雕塑，早年到過日本、紐約同上海發展，現為香港藝術中心名譽主席。
而Tommy大約30幾歲，喺美國耶魯大學修讀建築（佢爸爸喺華盛頓大學修讀建築），亦係藝術中心旗下建築物委員會成員。

學以致用　管理家族項目

佢家陣就學以致用，設立Little Tai Hang，身兼項目建築師；首期項目提供91間客房，其中82間可以眺望維園同維港，下周一（27日）起正式開張，接待住客入住。
根據資料，Little Tai Hang整個項目應該屬於包氏家族企業公司康世集團，地皮早於6、7年前買入，設計多年先至開工，又或者係家人有意交畀Tommy慢慢發揮喇。
名人雜誌《Hong Kong Tatler》舊年底將Tommy列為亞洲50大筍盤之一，指佢鍾意烹飪，周末愛打水球，加上佢外形俊朗，真係好易令人心心眼喎。

李華華
mailto:[email protected]